Erteń Almatyda Jańa jyl shyrshalarynyń shamdary jaǵylady
ALMATY. 30 qarasha. QazAqparat /Erbol Turymbetov/ - Erteń Almatydaǵy Oqýshylar saraıynda saǵat 18.00-de Jańa Jyl shyrshasynyń shamy saltanatty túrde jaǵylady. Bul týraly Oqýshylar úıiniń baspasóz hatshysy Raýshan Jókenova málim etti.
Shara búldirshinderdi qýanyshqa bólep, Jańa Jyl qarsańynda qala kórkine úles qosý maqsatynda uıymdastyrylyp otyr. Kesh Aıaz Ata jáne Aqshaqarmen birlese ásem shyrsha shamdaryn jaǵýmen bastalyp, Oqýshylar saraıy ónerpazdarynyń qatysýymen ótetin kontsertke ulasady.
Almaty qalasy ákimi Ahmetjan Esimov jáne Medeý aýdanynyń ákimi Mahambet Beıdálınder kesh qonaqtary bolady dep kútilýde. Sonymen birge, Almaty qalasy bilim basqarmasynyń ókilderi, Oqýshylar úıleriniń dırektorlary, Oqýshylar saraıynyń ujymy, ınternattar pen balalar úıleriniń tárbıelenýshileri qatysady dep josparlanǵan.
Sonymen qatar, bir ýaqytta qalanyń barlyq shyrshalarynyń da shamdary jaǵylady dep kútilýde.
