Erteń Almatyda Vokalısterdiń halyqaralyq konkýrsy bastalady
ASTANA. 5 jeltoqsan. QazAqparat - QR Mádenıet jáne aqparat mınıstrliginiń Mádenıet komıteti jáne «Qazaqstan halqynyń rýhanı damý qory» 6-11 jeltoqsan aralyǵynda Almaty qalasynda Vokalısterdiń halyqaralyq konkýrsyn ótkizedi.
Konkýrstyń maqsaty - halyqtar arasyndaǵy dostastyq jáne yntymaqtastyqty nyǵaıtý, Qazaqstandaǵy vokaldyq mýzykany dáripteý, daryndy vokalısterdiń kásibı sheberligin arttyrý, jastardy estetıkalyq jáne patrıottyq tárbıeleý, Qazaqstannyń mádenı ımıdjin arttyrý.
Qazylar alqasynyń quramynda Qazaqstannyń eńbek sińirgen ártisi Maıra Muhamedqyzy (tóraǵa), KSRO jáne Moldova Respýblıkasynyń halyq ártisi, «Respýblıka ordeni» ıegeri Mıhaıl Mýntıan Qazaqstan Respýblıkasynyń eńbek sińirgen ártisi, Abaı atyndaǵy Memlekettik akademııalyq opera jáne balet teatrynyń bas solısi Murat Shalabaev, Qyrǵyz Respýblıkasynyń halyq ártisi, Abdylas Maldybaev atyndaǵy Qyrǵyz ulttyq akademııalyq opera jáne balet teatrynyń solısi Talgar Jakshylykov jáne Tatarstan Respýblıkasynyń eńbek sińirgen ártisi, Qazaqstannyń eńbek sińirgen qaıratkeri, Evgenıı Kolobov atyndaǵy Jańa opera Máskeý teatrynyń solısi Nurlan Bekmuhambetov bar.
Konkýrsqa Qazaqstannan, Ózbekstannan, Reseı Federatsııasynan jáne Túrkimenstannan barlyǵy 38 adam qatysady.
. Óner básekesi eki nomınatsııa boıynsha 3 kezeńnen turady: erler jáne áıelder daýysy. Syıaqy qory 17000 dollardy quraıdy.
Saltanatty ashylý rásimi 6 jeltoqsan kúni saǵat 19.00-de «Qazaqkontsert» kontserttik zalynda (Abylaı han k-si, 83), II týr 7-8 jeltoqsanda, III týr 10 jeltoqsanda, jabylý saltanaty 11 jeltoqsanda Jambyl atyndaǵy Qazaq memlekettik fılarmonııasynda bolady. III týr qorytyndysy boıynsha laýreat ataǵyn alǵan jeńimpazdardyń qatysýymen gala-kontsert ótedi.
Jeńimpazdar mynadaı syıaqylarǵa ıe bolady:
- 5000 dollar mólsherinde gran-prı jáne laýreat ataǵy;
- erler jáne áıelder oryndaýy boıynsha eki I syıaqy - 3000 myń dollar jáne laýreat ataǵy;
- erler jáne áıelder oryndaýy boıynsha eki II syıaqy - 2000 myń dollar jáne laýreat ataǵy;
- erler jáne áıelder oryndaýy boıynsha eki III syıaqy - 1000 dollar jáne laýreat ataǵy.
