Erteń Almatyda velosporttan Qazaqstan chempıonaty bastalady
ALMATY. QazAqparat - Erteń Almatyda velosporttan Qazaqstan chempıonaty bastalady, dep habarlaıdy QazAqparat tilshisi.Atalmysh dodaǵa sportshylar respýblıkamyzdyń barlyq aımaǵynan qatysady, dep kútilýde.
Onyń ishinde «Astana Pro Team» veloshabandozdary Arman Qamyshev, Rýslan Tileýbaev, Dannıl Fomınyh, Artem Zaharov jáne Jandos Bıjigitov bar.
Aıta ketý kerek, jarys Indýstrııaldyq aımaqta ótedi. Jankúıerlerge kirý tegin.
Tańǵy saǵat 10-nan bastap erler men áıelder arasynda 50 jáne 25 shaqyrym, al jasóspirimder arasynda 25 jáne 20 shaqyrym qashyqtyqqa jarystar ótedi.
