Erteń Almatyda tuńǵysh ret "Altyn DISKO festıvali" ótedi
ALMATY. Shildeniń 30-y. QazAqparat /Názıra Eleýhan/ - Erteń , shildeniń 31-i kúni Almatyda tuńǵysh ret Qazaqstan boıynsha eń iri moll sanalatyn "Aport" saýda oıyn-saýyq aýmaǵynda "Altyn DISKO festıvali" ótedi. Búgin Almatyǵa atalmysh sharada óner kórsetetin "C.C.Catch", "London Beat", "Bad Boys Blue", "Eruption" top juldyzdardyń qatysýymen baspasóz máslıhaty bolyp ótti. Top juldyzdary Almatyǵa búgin ushyp keldi, dep habarlaıdy QazAqparat.
Uıymdastyrýshylardyń aıtýynsha, "Altyn DISKO» festıvali 15 000 adamǵa arnalǵan. Kontsertte esimderi ańyzǵa aınalǵan "C.C.Catch", "London Beat", "Ottawan", "Bad Boys Blue", "Eruption" toptary, Reseı juldyzy ıÝrıı Shatýnov, Azıza, azııalyq juldyzdar "ıAlla"toby, ıÝldýz Osmanova, sonymen qatar, elimizdiń halyq ártisi Roza Rymbaeva qatysady dep kútilýde. Bul shara dısko dáýirindegi juldyzdardyń basyn biriktiretin úlken oqıǵa, jyldyń "altyn" keshi bolmaq, deıdi uıymdastyrýshylar.
Baspasóz máslıhatynda sóz sóılegen "London Beat" tobynyń ánshisi Djımmı Helms: "Bul bizdiń keremet Qazaqstan eline kelip otyrǵan úshinshi saparymyz. Bizdi Qazaqstan halqy bizdi óte jyly qabyldap, ystyq yqylaspen qarsy alady. Ár kelýimiz birinshi ret kelgendeı, jaqsy áser qaldyrady, jańa adamdarmen tanysyp, jańa kontserttik alańdarda óner kórsetemiz. Biz úshin jyldan-jylǵa damý, gúldený ústindegi Qazaqstannyń halqy qonaqjaılylyǵymen erekshelenedi. Bizge ásirese, Qazaqstan eliniń taýlary unaıdy. Almaty qalasy da ózgerip ketipti, jańa ǵımarattar men "gúl kilemderi" qalaǵa sán berip tur", dedi ol. Olar sonymen qatar, qazaqstandyq ánshilermen qosylyp bir erekshe án jazyp, jumys istegimiz keletinin aıtty. "Óıtkeni, batysta mýzykanyń bári sheńber sııaqty qaıtadan qaıtalanýda, sondyqtan biz jańa án jazýdy oılap júrmiz. Biz jaqynda qazaqstandyq "Indıga" tobymen birge bir án jazdyq, sonymen qatar, bizdiń bir klıpimizge qazaqstandyq qyz tústi. Eki el arasyndaǵy áriptestigimiz bastalyp ta ketti dep oılaımyz", dedi "London Beat" tobynyń ekinshi ánshisi Djımmı Chembers.
"London Beat" tobynyń ánshileri jyldyń aıaǵynda jańa ánderiniń shyǵatynyn jetkizip, oǵan beıne rolık te túsirilip jatqandyǵyn habardar etti.
"Bad Boys Blue" tobynyń ánshisi Djon MakInernı: "Erteńgi keshte bizdiń burynǵy ánder oryndalatyn bolady. Bizdiń toptyń quramy osy jyldarǵa deıin birneshe ret ózgeriske ushyrady. Qazaqstan elinen keıin, biz Polsha, Germanııa elderinde eki kontsert beremiz. Negizinen Reseı, Batys elderinde jáne atalǵan elderde óner kórsetemiz. Jaqyn arada bizdiń óner kórsetip júrgenimizge arnalǵan "Bizge 25 jyl" atty jańa albomymyz shyǵady, onyń ishine jańa óńdeýdegi burynǵy 32 ánimiz kiretin bolady. Qazaqstan eliniń án súıer qaýymy bul jınaqqa qyzyǵýshylyqtaryn bildiredi degen senimdemiz», dedi ol.
Atalmysh toptyń ekinshi ánshisi Karlos Ferreıra "Men úshin Qazaqstan eli óte ystyq. Óıtkeni, men alǵash ret bul toptyń quramyna kirgen kezimde birinshi ret sahnaǵa Qazaqstan jerinde shyqtym", dedi.
Festıvalde óner kórsetetin toptar erteń burynǵy ánderin jańa óńdeýde oryndaıtyn bolady.
