Erteń Almatyda «Men senimen birgemin» qaıyrymdylyq velomarshy ótpek

ALMATY. 8 qazan. QazAqparat /Ádilet Musahaev/ - Osymen úshinshi ret ótkeli otyrǵan bul sharany «Salaýatty Azııa», «Almaty veloqory» qoǵamdyq qorlary, «Almaty» veloklýby, «Velo-Almaty» bastamashylyq toptary uıymdastyryp, Almaty qalasy ákimdigi qoldaý kórsetken.

Velomarsh qatysýshylary qyzǵylt lentalarmen júretin bolady - bul qyltamaqty jeńýdiń halyqaralyq sımvoly. Velomarsh búkil qala arqyly ótip, Ortalyq stadıonda aıaqtalmaq.

Jyl saıyn Qazaqstanda túrli onkologııalyq aýrýlarmen 500-den astam bala aýyrady eken. Olardyń jartysynan azy ǵana tolyq ómirge qaıtarylady. Ólimge apparyp soǵý negizinen qyltamaqtyń asqynǵan túrleri barysynda bolady. Mundaı dertke ushyraǵan balalar arnaıy kútim men qamqorlyqty qajet etýde.

2011 jylǵy naýryzdan bastap «Salaýatty Azııa» qory aqshalaı qarajattardy tarta otyryp, alǵashqy balalar hospısin ashýǵa daıyndalǵan. Qazan aıynyń sońynda kishkentaı aýrý balalarǵa arnalǵan osy úı óz esigin ashyp, olarǵa óziniń qamqorlyǵy men mahabbatyn syılamaq.

Uıymdastyrýshylar «Men senimen birgemin!» atty velomarshy Qazaqstanda alǵashqy balalar hospısiniń ashylýyna ár adam úles qosyp, qyltamaqpen aýyratyn barlyq balalardy qoldaýǵa múmkindik beredi degen oıda.

Sonymen qatar velomarsh sheńberinde barlyq qatysýshylarǵa alǵashqy balalar hospısine qaıyrymdylyq járdem kórsetýge múmkindik beriledi.