Erteń Almatyda QazUAÝ stýdentiniń ólimine qatysty sot otyrysy bastalady
ALMATY. QazAqparat -14 maýsym kúni Almatyda Qazaq ulttyq agrarlyq ýnıversıteti stýdentiniń ólimine qatysty alǵashqy sot tyńdaýy ótedi, dep habarlaıdy QazAqparat tilshisi.
Ashyq rejimde ótedi dep belgilengen isti sýdıa Elvıra Nuǵymanova qaraıdy.
Aıta keteıik, qaıǵyly oqıǵa 12 sáýirde QazUAÝ jataqhanasynda bolǵan edi. Birinshi jáne ekinshi kýrsta oqıtyn onnan astam stýdent jataqhanada tóbelesip, saldarynan 17 jastaǵy Dıdar Bolysbek qaza bolǵan edi.
Keıinirek polıtsııa atalǵan oqý ornynyń 2-kýrsynda oqıtyn 2 stýdentti ustady.
Sot aldynda olardyń bireýi ǵana - Toıshybek Asamov jaýap beredi. Oǵan QR QK 106-babynyń 3-bóligi (adam densaýlyǵyna qasaqana aýyr nuqsan keltirý), QR QK 194-babynyń 1-bóligi (kúshtep múlkin tartyp alý) boıynsha aıyp taǵylyp otyr.
