Erteń Almatyda qar jaýyp, kún sýytady
ALMATY. QazAqparat – Sınoptıkterdiń boljaýynsha, Almatyda 6 qazan kúni qar aralas jańbyr jaýyp, kún sýytady, dep habarlaıdy QazAqparat tilshisi.
Qazgıdromettiń deregi boıynsha, Almatyda qar jaýyp, aýa temperatýrasy - 3-5° deıin tómendeıdi.
«5 qazan kúni Almatyda kóshpeli bult shyǵady, jaýyn-shashyn jaýmaıdy. Jel ekpini - 0-5 m/s shamasynda. Aýa temperatýrasy túnde - 3-5, kúndiz +13-15 gradýs jyly. Al 6 qazanda jaýyn-shashyn bolady, túnde qar aralas jańbyr jaýady. Soltústik-shyǵystan soqqan jel ekpini - 5-10 m/s. Aýa temperatýrasy túnde - 0-2, kúndiz +4-6 gradýs jyly. 7 qazanda kún bultty, jaýyn-shashynsyz. Jel ekpini - 2-7 m /s. Aýa temperatýrasy túnde -2-4 gradýs sýyq, kúndiz +2-4 gradýs jyly»,- dep habarlady Qazgıdromettiń baspasóz qyzmeti.
Aıta keteıik, búgin Qazaqstan aýmaǵynyń basym bóligi jaýyn-shashynnyń aldyn alýǵa jáne aýa temperatýrasynyń odan ári tómendeýine ákeletin soltústik-batys antıtsıklonnyń yqpalynda bolady.
