Erteń Almatyda D. Qonaevtyń 100 jyldyǵyna oraı «Zamanymyzdyń Zańǵar uly» dep atalatyn eske alý keshi ótedi

Ony A.P.Chehov  atyndaǵy  ortalyq  qalalyq  kitaphana uıymdastyryp otyr. Bul sharaǵa Qonaev qorynyń dırektory J.Asanbaeva, Qonaev murajaıynyń dırektory B.Battalhanov,  M.Áýezov murajaıynyń dırektory D.Qonaev, «Almatykitap» baspasynyń  vıtse-prezıdenti B.Baratqyzy, aqyndardan M. Shahanov pen  R.Nııazbekov qonaq retinde shaqyrylyp otyr.

«Keshtiń maqsaty - qazaq halqynyń  uly  perzenti  Dinmuhamed  Ahmetuly  Qonaevtyń  ómir  joly,  týyp-ósken, bilim  alǵan, qyzmet  etken jerleri  týraly   jastarǵa maǵlumat  berý. Olardy tulǵanyń  ómir  jolynan  úlgi  ala  otyryp  Otanyn, halyqty  súıýge, azamattyqqa,  patrıottyq  sezimge  tárbıeleý. Shara barysynda Dinmuhamed Ahmetulynyń  tutynǵan  zattary,  kilemshe-sýreti, eńbekteri, estelikter, foto-albomdar kórsetiledi»,- deıdi A.P.Chehov  atyndaǵy  ortalyq  qalalyq  kitaphananyń oqý zalynyń meńgerýshisi Láıla  Sábıtqyzy.