Erteń Almatyda «Azııanyń rýhy shekarany bilmeıdi» atty fýtbol týrnıri ótedi
ALMATY. 19 aqpan. QazAqparat /Názıra Eleýhan/ - Erteń Almatyda tuńǵysh ret fýtboldan 40 jastan asqan fýtbolshylar arasynda «Azııanyń rýhy shekarany bilmeıdi» atty týrnır ótedi.
Atalmysh sharany uıymdastyrýshylar - Qazaqstan baspasóz klýbynyń qoldaýymen, Búkilálemdik túrki halyqtarynyń kongresi (shtaby - Nıý-Iorkte) men Qazaqstannyń jýrnalıstıka Akademııasy.
Jarysqa otandyq fýtboldyń ańyzdary - burynǵy qaıratshylar, sport sheberleri men ardagerleri, áýesqoı komandalar, memlekettik qurylymdardyń ókilderi, kásipkerler, teatr jáne kıno akterleri qatysady.
Uıymdastyrýshylardyń aıtýynsha, Azııa oıyndarynan keıin, mundaı bastama halyqtyń patrıottyq rýhyn odan ári nyǵaıtýǵa, salaýatty ómir salty ustanymyna shaqyrýǵa yqpal etpek. Olardyń pikirinshe, shara aldaǵy ýaqytta dástúrli bolmaq.
Týrnır ıÝNESKO kóleminde moıyndalǵan uly tulǵalarǵa, elimizdiń tarıhı oqıǵalaryna arnalyp, «8+8» formatynda ótetin bolady. Barlyq qatysýshylar estelik syılyqtarmen jáne arnaıy kýboktarmen marapattalady.
Qurmetti qonaq retinde sharaǵa QR Parlament Senatynyń depýtaty Ǵanı Qasymov qatysatyn bolady.
