Erteń Almaty týraly ánderdiń baıqaýy ótedi
ALMATY. 9 qyrkúıek. QazAqparat /Názıra Eleýhan/ - Almatyda 10 qyrkúıek kúni qala ákimdiginiń uıymdastyrýymen Qazaqstan Respýblıkasynyń Birinshi Prezıdenti atyndaǵy saıabaqta keshkisin «Almatym júregimde» atty Almaty týraly ánderdiń baıqaý - konkýrsy ótedi.
Baıqaýda ádil-qazylar músheleri Qazaqstan estaradasynyń jas ánshileriniń oryndaýyndaǵy Almaty týraly eń úzdik 15 ánge qazylyq jasaıtyn bolady.
Bas júldege "AVTOMOBILЬ" tigilgen. Al, 1-shi, 2-shi jáne 3-shi oryn alǵan jeńimpazdar arnaıy júldelermen marapattalatyn bolady.
Ádil-qazylar quramynda ataqty mýzykanttar, halyq artısteri, tanymal prodıýserler, kompozıtorlar men belgili jýrnalıster bar.
"Qala kúni qarsańynda elge tanymal ánshilerdiń, sondaı-aq ónerdiń tabaldyryǵyn endi ǵana attaǵan jas oryndaýshylardyń, mýzykanttar men ánniń mátinin jazýshy aqyndardyń osy baıqaýǵa belsene qatysýy arqasynda Almaty týraly jańa ánder paıda bola bastady. Baıqaý jas daryndy kompozıtorlar men jas oryndaýshylardy anyqtap, olarǵa qoldaý kórsetýge, mýzykantar men aqyndardyń qarym- qabiletin ushtaýǵa yqpal etýde",-deıdi sharanyń uıymdastyrýshylary.
Baıqaý sońy qazaqstandyq estrada juldyzdarynyń kontserttik baǵdarlamasymen jalǵasady.
