Erteń Almaty qalasy men oblysy boıynsha jańa Tele2 baılanys operatory iske qosylady
ALMATY. 27 mamyr. QazAqparat /Ádilet Musahaev/ - Tele2 baılanys operatory erteń Almaty qalasy men oblysy boıynsha óz baılanystaryn iske qosatyndyqtaryn málim etti.
Tele2 Qazaqstannyń uıaly baılanys naryǵyna 2010 jyldyń naýryz aıynan bastap kelgen. 2011 jyldyń sáýir aıynda bul baılanys alǵash ret Aqtóbe qalasynda iske qosylsa, keıinirek Batys Qazaqstan oblysynda jumys isteı bastady.
Tele2 - bul eýrpalyq baılanys operatory. Qazirgi tańda ol álemniń 11 elinde 31 mıllıonnan astam abonentke uıaly jáne turaqtandyrylǵan telefonnyń, keń jolaqty ınternetke qol jetimdiligin, symdy televızııanyń qyzmet túrlerin usynýda.
«Tele2 Qazaqstan» Basqarma tóraǵasy Andreı Smelkov Tele2-niń basymdyqtary, onyń baǵasynyń tómendigi men sapasynyń joǵarylyǵyn jáne 3G sekildi jedel ınternet pen qosymsha múmkindikterin alǵa tartady. «Qazaqstan abonentteri uıaly telefonmen aıyna 120 mınýttaı sóılesedi eken. Bul Reseı, Ózbekstan jáne Qyrǵyzstanǵa qaraǵanda tómen. Bul baılanys túriniń qymbat ekendigin jáne elde básekelestiktiń joqtyǵyn kórsetedi. Osy máleni sheshýde biz bir qatar ister atqaryp, óz baılanysymyzdy tómendettik», -deıdi A.Smelkov.
Qazirgi ýaqytta Tele2 eki tarıfti baılanys túrin usynýda. «Barlyǵyna qońyraý shal» dep atalatyn tarıfte Almaty men Almaty oblysynyń abonentteri barlyq baılanys operatorlary men qalalyq telefonǵa mınýtyna 8 teńgemen qońyraý shalyp sms jibere alady. Al, «áýlet klany» tarıfine qosylǵandar jeli ishinde mınýtyna 3 teńgemen sóılesedi, basqa operatorǵa qońyraý shalý quny 20 teńge.
A.Smelkov baǵa qunyn mınýtyna 5 teńgege deıin tómen jasaı alatyndyqtaryn da aıtýda. «Bizdiń bul qadamymyz basqa da baılanys operatorlarynyń baǵa qunyn tómendetýine májbúrleıdi, -deıdi ol.
Erteń Almatynyń ár aýdanynda atalǵan baılanys operatorynyń 5 fırmalyq salony ashylady. Sonymen qatar qaladaǵy «Astana» alańynda, «Maksıma», «Promenad», «Sıtı Plıýs» saýda ortalyqtary men «Atakent» kórme ortalyǵy mańynda Tele2 qosylýǵa bolady.
Tele2 erteń Almaty men Almaty oblysy boıynsha qosylsa, bir aptadan keıin maýsymnyń 4 kúni elordamyz Astana men Aqmola oblysy boıynsha iske qosylady.
Jalpy Qazaqstan halqy aıyna 150 myń dollardaı qarjyny uıaly baılanysqa jumsaıdy eken.
