Erteń Almaty áýejaıynyń jańa termınaly alǵashqy reısterdi qabyldaıdy

ALMATY. KAZINFORM – Almaty halyqaralyq áýejaıynyń Korporatıvtik kommýnıkatsııalar departamenti jańa termınal erteń iske qosylatynyn habarlady.

- Jańa halyqaralyq termınaldy iske qosýdyń bastapqy merzimi 2024 jyly jazdyń sońyna josparlanǵan bolatyn. Biraq jolaýshylar aǵyny tez ósýine baılanysty jáne jolaýshylarǵa barynsha jaıly bolýy úshin barlyq jumystar jedeldetildi. Jańa termınal alǵashqy reısterdi 1 maýsym kúni qabyldaıdy, – dep habarlady áýejaıdyń baspasóz qyzmeti.

Sondaı-aq departament málimetine sáıkes, 2024 jyldyń alǵashqy 4 aıynda áýejaı 3,3 mıllıon jolaýshyǵa qyzmet kórsetken.

Eske salaıyq, buǵan deıin Memleket basshysy Qasym-Jomart Toqaev Almatyǵa jumys saparymen kelgenin jazǵan edik. 

Sondaı-aq Prezıdent Almaty áýejaıynyń jańa halyqaralyq termınalyn aralaǵanyn jazǵanbyz.