Erteń Aqtóbe men SQO-da oqýshylar sabaqty qashyqtan oqıdy

ASTANA. KAZINFORM – Aqtóbe oblysy bilim basqarmasynyń habarlaýynsha, erteń, 23-qańtar kúni aýa raıynyń qolaısyzdyǵyna baılanysty Aqtóbe oblysynyń keıbir aýdandarynda sabaq onlaıyn bolady.

Naqtyraq aıtqanda, Aqtóbe qalasy 1- 11, Alǵa, Hromtaý aýdandarynda 1-9, Áıteke bı, Qobda, Mártók, Muǵaljar, Yrǵyz, Qarǵaly aýdandarynda 1-4 synyp oqýshylary úshin oqý protsesi qashyqtan uıymdastyrylady.

Sondaı-aq aýa raıyna baılanysty Soltústik Qazaqstan oblysynda aýa temperatýrasy – 28 gradýsqa deıin sýytatyndyqtan 1-shi aýysymdaǵy 1-9 synyp oqýshylary úshin sabaq onlaın bolady.

Osyǵan deıin elordalyq oqýshylar men stýdentterdiń onlaın bilim alatynyn jazdyq.

Sondaı-aq 4 oblysta qar normadan artyq túskenin habarladyq.

Jetisý oblysynyń polıtsııasy aýa raıyna baılanysty kúsheıtilgen jumys rejımine aýysty.