Erteń 3D pishindegi qazaqstandyq alǵashqy fılmniń prokattyq kórsetilimi bastalady
MATY. 19 qyrkúıek. QazAqparat /Erlik Erjanuly/ - TMD elderiniń prodıýserlerine burynǵy keńestik respýblıkalarda kıno satý óte qıyn. Bul keshe Almatyda 3D pishininde túsirilgen alǵashqy qazaqstandyq kınotýyndy sanalatyn «A»-ǵa oralý» fılminiń aýǵandyq ardagerlerge arnalǵan áleýmettik kórsetilimi kezinde aıtyldy.
«Arǵy kúni «A-ǵa» oralý» fılminiń Qazaqstandaǵy prokaty bastalady. Ondaǵy basty maqsatymyz - kınotýyndynyń ózge shet elderderde kórsetilýine qajetti qarajatty jınaý», - deıdi fılmniń prodıýseri Arman Esenov. Qoıýshy-rejısser Egor Mıhalkov-Konchalovskııdiń sózine qaraǵanda, kıno - ónim. Ony bızneske aınaldyrý úshin satý kerek. Bul birshama ýaqytty kerek etedi. Máselen, keıbir fılmderdi satýǵa onyń bıýdjetiniń jartysy jumsalady. Onsyz shyqqan shyǵyndy aqtaý qıyn. 3D pishininde túsirilgen alǵashqy qazaqstandyq bul fılmdi túsirýge de qomaqty qarjy jumsalǵan. Óndirisshiler onyń kólemin qazir qupııa ustap otyr. Endi shyǵyndy qaıtarý úshin Sháken Aımanov atyndaǵy «Qazaqfılm» kınostýdııasynyń prezıdenti Ermek Amanshaev pen «Báıterek-fılm» prodıýserlik ortalyǵynyń basshysy Arman Asenov prokatty jyljytý úshin birshama qarjy jumsaýdy kózdeýde.
«A»-ǵa oralý» barlyq adamǵa birdeı unamaýy múmkin, biraq kópshiliktiń kóńilinen shyǵatyna senimim mol. Buǵan deıin ol Astana men Máskeýde ótken halyqaralyq kınofestıvalderde kórsetildi. Ony sondaı-aq, QR Prezıdenti Nursultan Nazarbaev ta tamashalady. Biz bul fılmniń 2 jáne 3 D pishindegi úlgilerin jasadyq. Astana men Máskeýdegi festıvalderde ol 3D pishininde kórsetilgen edi. Almatydaǵy Eýrazııa kınofestıvali kezinde endi kórermen endi ádettegi 2D pishindegi nusqasyn tamashalaıtyn bolady», - deıdi E. Konchalovskıı.
Drama janrynda bul týyndyny Sháken Aımanov atyndaǵy «Qazaqfılm» kınostýdııasynyń tapsyrysy boıynsha «Báıterek-fılm» prodıýserlik ortalyǵy men «PS TVC stýdııasy birlesip túsirdi. Uzaqtyǵy - 116 mınýt. Onda basty keıipkerlerdi Seıdýlla Moldahanov, Berik Aıtjanov, Denıs Nıkıfırov, Qarlyǵash Muhamedjanova, Ivan Jıdkov, Andreı Shıbarshın, Asha Mataı, Arman Asenov, Farhad Abdraımov sııaqty akterlar somdady. Fılmniń stsenarısteri Vladımır Moıseenko men Aleksandr Novatotskıı-Vlasov. Qoıýshy-operatory - Anton Antonov, al kompozıtory - Vıktor Sologýb.
