Ertegidegi Aladdın shahary salynatyn bolady
ASTANA. QazAqparat - Dýbaı shaharynyń ákimshiligi «Aladdın-sıtı» qurylysyna kelesi jyldan bastap kirisetinin málimdedi, dep jazady muslim.kz.
«Biz joba boıynsha jumysqa kelesi jyly kirisemiz, - deıdi Úkimettiń Úshinshi sammıtinen soń bas dırektor Hýseın Naser Lýta. - Qazir joba qajetti qarajat tolyǵymen daıyn».
2014 jyly jarııalanǵan joba boıynsha «Aladdın-Sıtı» úsh munaraly bolmaq. Ǵımarat aýmaǵynda kommertsııalyq jáne qonaq úı alańdary ornalasady. Bir qyzyǵy, munaralar sý ústinde salynbaq. Jalpy kólemi 110 000 sharshy metrdi quraıtyn munaralardyń eń bıigi - 34 qabatpen teń bolsa, qalǵany ekeýi 25 jáne 26 qabat bolmaq.
Jobanyń jalpy quny ázirge qupııa saqtalyp otyr. Degenmen, «Aladdın-Sıtı» salynyp bolǵan soń ENESKO-nyń búkilálemdik jádigerler tizimine engizý josparlanyp otyr.
