Ertegi gúlindeı: Qazaqstanda sırek kezdesetin buıra lalagúl bar
ASTANA. KAZINFORM — Qazaqstannyń Qyzyl kitabyna engen buıra lalagúl tabıǵatta sırek kezdesedi. Erekshe pishinimen kóz tartatyn bul gúl taýly aımaqtardyń ormandy jáne shalǵyndy bólikterinde ósedi.
Ekologııa jáne tabıǵı resýrstar mınıstrligi baspasóz qyzmetiniń málimetinshe, bir qaraǵanda buıra lalagúl ertegi gúlindeı kórinedi.
— Kúlteleri keıin qaraı qaıyrylyp, erekshe pishin túzetin buıra lalagúl — Qazaqstannyń Qyzyl kitabyna engen sırek ósimdikterdiń biri. Bul gúl tabıǵatta kózge jıi túse bermeıdi. Ol taýly aımaqtardyń ormandy jáne shalǵyndy bólikterinde ósip, jaz mezgilinde erekshe reńimen kóz tartady, — deıdi mamandar.
Buıra lalagúldiń ásemdigi — tek syrtqy kórinisinde emes. Tabıǵı popýlıatsııasynyń saqtalýy onyń meken etý ortasyn qorǵaýmen tikeleı baılanysty. Sondyqtan sırek gúldi kórgende eń durys áreket — úzbeı, tamashalap qana ótý.
Mınıstrlik atap ótkendeı, Qyzyl kitaptyń ár paraǵy bizge bir qarapaıym qaǵıdany eske salady: tabıǵattaǵy eń ádemi dúnıeler óz ornynda qalǵanda ǵana qundy.
Budan buryn Qazaqstanda ósetin, sırek kezdesetin qyzǵaldaqtar týraly jazǵanbyz.
