Erte jastan syra iship kórgen adamnyń jas ómiri ókinishpen ótedi - ǵalymdar zertteýi
ASTANA. QazAqparat - Ǵalymdardyń zertteýi boıynsha, 14 jasynda syra nemese qyzyl sharapty iship kórgen adam jasyna jetpeı soǵan táýeldi bolyp, maskúnemdik aýrýyna shaldyǵady, dep jazady The Daily Mail.
Aqparat kóziniń jazýynsha, ǵylymı zertteýdiń qorytyndysy da osy túıinge tirelgen: ıaǵnı, maskúnemdikke shaldyǵý adamnyń ishimdikke áýes bolǵan alǵashqy kezeńine de baılanysty. Sondyqtan oǵan tipti, áýes bolmaý kerek, deıdi ǵalymdar. Mamandar 295 jasóspirimdi arnaıy synaq merzimine alyp, baqylaǵan. Olardyń barlyǵy 16 jasqa deıin araq-sharaptyń dámin tatyp kórgen. Synaq merziminde jastardyń ishimdikke táýeldiligi adam shoshytatyrlyq nátıje kórsetken. Keıbiri jasyna jetpeı salynyp ishýge beıim bolǵan. «Eger adam erte jastan araqpen aýyzdansa, ol jasyna jetpeı maskúnem bolady», delingen maqalada. Zertteý qorytyndysyna súıensek, araqpen «ómirin bastaǵan» adamnyń taǵdyry aıanyshty aıaqtalady.
