Ersin Eskendirov Abaı oblysy Aqsýat aýdanynyń ákimi bolyp taǵaıyndaldy

SEMEI. KAZINFORM – Abaı oblysynyń Aqsýat aýdanyna jańa basshy keldi. Bul týraly oblys ákimdigi málim etti. 

Eskendirov Ersin Qadyrbekuly 1985 jyldyń 28 jeltoqsanynda Semeı oblysy Aqsýat aýdany Aqsýat aýylynda dúnıege kelgen. 2005 jyly Semeı quqyq jáne bıznes kolledjin «zańger», 2009 jyly Qazaq ınnovatsııalyq gýmanıtarlyq-zań ýnıversıtetin «Quqyqtaný», 2020 jyly S. Amanjolov atyndaǵy Shyǵys Qazaqstan ýnıversıtetiniń «Ekonomıka jáne bıznes» mamandyǵy boıynsha bitirgen.

Eńbek jolyn 2005 jyly Tarbaǵataı aýdandyq memlekettik zeınetaqy tóleý ortalyǵynyń aǵa ınspektory qyzmetinen bastady. Tarbaǵataı aýdandyq aýmaqtyq ınspektsııasynyń kadr jónindegi bas mamany, ShQO veterınarııalyq baqylaý jáne qadaǵalaý komıtetiniń zańgeri, bas mamany, Tarbaǵataı aýdany ákimi apparatynyń tótenshe jaǵdaılar jónindegi bas mamany bolyp jumys istegen.

Ár jyldary Tarbaǵataı aýdany ákiminiń apparaty qarjy-sharýashylyq jáne tótenshe jaǵdaılar bóliminiń basshysy, Tarbaǵataı aýdany ákimi apparatynyń basshysy, jumyspen qamtý jáne áleýmettik baǵdarlamalar bóliminiń basshysy, Tarbaǵataı aýdany ákiminiń orynbasary, Aqsýat aýdany ákiminiń orynbasary, Abaı oblysynyń Jumyldyrý daıarlyǵy jáne azamattyq qorǵaý basqarmasynyń basshysy, Aqsýat aýdany ákiminiń mindetin atqarýshy sııaqty basshylyq laýazymdarda qyzmet atqardy.