Ersin Ótebaev Astana ákiminiń orynbasary laýazymyna taǵaıyndaldy

ASTANA. QazAqparat - Prezıdent Ákimshiliginiń kelisimi boıynsha merıtokratııa qaǵıdatyna sáıkes Astana qalasy ákiminiń orynbasary bolyp Ersin Ótebaev taǵaıyndaldy. QazAqparat bul týraly shahar basshysynyń baspasóz qyzmetine silteme jasap habarlaıdy.

E.Ótebaev basqa jumysqa aýysýyna baılanysty qyzmetinen bosatylǵan Nurlan Soltambekovtiń ornyna keldi.

45 jastaǵy Ersin Ótebaevtyń memlekettik qyzmettegi ótili 11 jyldan asady. Mamandyǵy – ınjener-qurylysshy, quqyqtanýshy.

2012 jyly – «Almaty oblysynyń energetıka jáne turǵyn úı-kommýnaldyq sharýashylyq basqarmasy» MM (Taldyqorǵan qalasy) mamany, 2012 jylǵy jeltoqsannan 2015 jylǵy 15 aqpanǵa deıin – oblys ákiminiń uıymdastyrý-ınspektorlyq jumys bóliminiń bas ınspektory, «Almaty oblysy ákiminiń apparaty» MM (Taldyqorǵan qalasy) mamany bolyp jumys istedi.

Sońǵy 8 jyl ishinde «Astana qalasynyń kommýnaldyq múlik jáne memlekettik satyp alý basqarmasy» MM, «Astana qalasynyń aktıvter jáne memlekettik satyp alý basqarmasy» MM basshysynyń orynbasary, basshysy laýazymdaryn atqardy.

Elorda ákimi Jeńis Qasymbek Ersin Ótebaevtyń aldyna qalany damytý jóninde birqatar mindet qoıdy.