Qazaqstandyq aýyr atlet jasóspirimder arasyndaǵy álem chempıonatynda qola medal jeńip aldy
ASTANA. KAZINFORM — Qazaqstandyq aýyr atlet Ernur Myrzahmet Kalıde (Kolýmbııa) ótip jatqan jasóspirimder arasyndaǵy álem chempıonatynda qola medal jeńip aldy.
Otandasymyz 79 kelige deıingi salmaqta synǵa tústi.
Ernur Myrzahmet qossaıys qorytyndysy boıynsha 304 (142+162) kelini eńserdi. Osylaısha ol qola medal jeńip aldy.
Altyn medaldi Mohamed Abdelradı (Mysyr) ıelendi — 318 (143+175) keli. Ekinshi orynǵa Abdýlraýf Halıfa (Lıvııa) jaıǵasty — 305 (137+168) keli.
Eske salaıyq, buǵan deıin qazaqstandyq sportshylardyń jeńil atletıkadan jastar arasyndaǵy Azııa chempıonatynyń alǵashqy kúnindegi nátıjesi týraly jazǵanbyz.
