Ernazar Juban «Novaıa volna — 2025» baıqaýynda úshinshi orynǵa ıe boldy
ASTANA. KAZINFORM — Ánshi «Novaıa volna» dodasynda laıyqty óner kórsetip, úshinshi oryndy enshiledi. Bul týraly Mádenıet jáne aqparat mınıstrligi habarlady.
Ernazar Juban ótken jyly ol Vıtebsk qalasynda ótken «Slavıan bazary» halyqaralyq vokal baıqaýynda birinshi oryndy jeńip alǵan edi.
Sonymen qatar budan buryn otandyq ónerpaz Aleksandr Lım «Novaıa volna — 2025» halyqaralyq jas oryndaýshylar baıqaýynda jeńimpaz atanǵanyn jazǵan edik. Ol — osy festıvalde jeńiske jetken alǵashqy qazaqstandyq.
Ártis áleýmettik jelilerde kaver-vıdeolarymen tanymal boldy. Ánshi orys, aǵylshyn, ıtalıan, túrik jáne basqa tilderde hıt ánderdi oryndap, vıdeolary myńdaǵan qaralym jınaǵan.
2018 jyly Aleksandr «I’m a singer Kazakhstan» baıqaýyna qatysyp, jartylaı fınalǵa jetti. 2021 jyly ol tanymal «Golos Ýkraıny» shoýyna qatysyp, Nadejda Dorofeevanyń jetekshiligimen jasyryn tyńdalymnan sátti ótip, nokaýt kezeńine deıin óner kórsetti.
— Qazaqstan Respýblıkasynyń Mádenıet jáne aqparat mınıstrligi ónerpazdardy jarqyn jetistikterimen shyn júrekten quttyqtaıdy jáne jas ánshilerdiń kásibı ósýine únemi qoldaý kórsetýge daıyn. Bul jeńis án óneriniń damýyna sep bolyp, elimizdiń álemdik deńgeıde óz ornyn nyǵaıta túseri sózsiz, — delingen habarlamada.
Osydan buryn Qazan qalasyndaǵy halyqaralyq «Novaıa volna» ánshiler baıqaýyna qazaqstandyq Danıal Jumaqanov ta qatysyp jatqanyn jazdyq.