Ernar Shymbaev bılıard sporty boıynsha Álem Kýbogynyń Birinshi kezeńiniń kúmis júldegeri atandy
ALMATY. QazAqparat - Máskeý qalasynda bılıard sporty boıynsha Álem kýbogynyń Birinshi kezeńi ótti. Onda Qazaqstandyq Ernar Shymbaev ekinshi oryn aldy. Jarysqa álemniń 10 elinen 136 sportshy qatysty, dep habarlaıdy Respýblıkalyq bılıard federatsııasynyń baspasóz qyzmeti.
Jarys qorytyndysy boıynsha Aleksandr Sıdorov (Ózbekstan) birinshi oryndy ıemdendi. Ekinshi orynda - Ernar Shymbaev (Qazaqstan). Al Sergeı Kryjanovskıı (Moldova) men Dmıtrıı Belozerov (Ýkraına) úshinshi oryndy mise tutty.
Bul jarysta Qazaqstan qurama komandasy quramynda aıtýly sport sheberleri qatysty. Olar: Álem chempıondary Álıhan Karaneev pen Ernar Shymbaev; Azııa Chempıonatynyń kúmis júldegeri Dáýren Orynbaev; Qazaqstan birinshiliginiń 2013 jylǵy úzdik chempıony Paksım Pan jáne Álem birinshiliginiń qola júldegeri Arbı Mýtsıev.
