Ernar Hasenov Memlekettik energetıkalyq qadaǵalaý komıtetiniń tóraǵasy boldy
ASTANA. KAZINFORM — Ernar Hasenov QR EM Memlekettik energetıkalyq qadaǵalaý jáne baqylaý komıtetiniń tóraǵasy bolyp taǵaıyndaldy. Bul týraly Úkimettiń baspasóz qyzmeti habarlaıdy.
— Qazaqstan Respýblıkasy energetıka mınıstriniń buıryǵymen Ernar Muhtaruly Hasenov vedomstvonyń Memlekettik energetıkalyq qadaǵalaý jáne baqylaý komıtetiniń tóraǵasy qyzmetine taǵaıyndaldy, — delingen habarlamada.
1987 jyly Pavlodar oblysynda dúnıege kelgen. Innovatsııalyq Eýrazııa ýnıversıtetin, «Bolashaq» baǵdarlamasy boıynsha Stratklaıd ýnıversıtetin (Ulybrıtanııa) bitirgen.
Eńbek jolyn Avtomobıl joldary komıtetiniń Pavlodar oblystyq departamenti sapany baqylaý jáne jumystardy qabyldaý bóliminiń jetekshi mamanyny bolyp bastady.
2010–2014 jyldary – QR Indýstrııa jáne jańa tehnologııalar mınıstrligi Memlekettik energetıkalyq qadaǵalaý jáne baqylaý komıtetiniń sarapshysy, bas sarapshy, basqarma basshysy.
2014–2023 jyldary – QR Premer-mınıstri keńsesinde bas sarapshy, bas konsýltant, bas ınspektor.
2023–2025 jyldary – QR Energetıka mınıstrligi Atomdyq jáne energetıkalyq qadaǵalaý men baqylaý komıteti Qaraǵandy oblysy boıynsha aýmaqtyq departamentiniń basshysy.
2025 jylǵy maýsymnan bastap qazirgi ýaqytqa deıin QR Energetıka mınıstrligi Memlekettik energetıkalyq qadaǵalaý jáne baqylaý komıteti tóraǵasynyń orynbasary qyzmetin atqardy.
Budan buryn Evgenıı Kochetov QR Prezıdenti Ákimshiliginde jańa qyzmetke ıe bolǵanyn jazǵanbyz.
