Fýtboldan Qazaqstan quramasynyń baspasóz hatshysy taǵaıyndaldy
ASTANA. KAZINFORM - Ermuhamed Máýlen fýtboldan Qazaqstan quramasynyń baspasóz hatshysy qyzmetine taǵaıyndaldy. Bul týraly sport jýrnalısi Kommentator_Maulen telegram arnasynda habarlady.
Ermuhamed Máýlen QFF-da uzaq jyldan beri jumys istep keledi. Tanymal sport kommentatory 2014 jyly Brazılııada ótken mýndıalda qazaq televızııasy tarıhynda alǵash ret oqıǵa ornynan translıatsııa júrgizdi.
2017-2018 jyldary «Egemen Qazaqstan» gazetiniń sport bóliminiń meńgerýshisi, al 2019 jyly «Habar» agenttiginiń sport bóliminiń prodıýseri boldy.
2020 jyly «Qazsport» telearnasynda arnaıy jobalar redaktory qyzmetin atqarǵan.
2021 jyly Qazaqstan fýtbol federatsııasynyń baspasóz qyzmetin basqardy.
2022-2024 jyldary QFF prezıdenti keńesshisi qyzmetine taǵaıyndaldy.
Eske sala keteıik, buǵan deıin Ulan Qonysbaevtyń «Taraz» KFK sporttyq dırektory qyzmetine taǵaıyndalǵanyn habarlaǵan edik.