Ermıtajǵa kirý tegin bolmaq
ASTANA. QazAqparat - Álemdegi ári Reseıdegi iri mádenı-tarıhı murajaılardyń biri Sankt-Peterbordaǵy Ermıtajdyń 250 jyldyǵyna oraı, oǵan tegin kirýge bolady.
Bul týraly baspasóz máslıhatynda murajaı dırektory Mıhaıl Pıotrovskıı aıtty, dep habarlady Interfaks.
10 jeltoqsanda Ermıtajǵa kirý tegin bolmaq. Sondaı-aq Pıotrovskıı jeltoqsannyń ár beısenbisinde Bas shtabtyń shyǵys qanatyna da kirý tegin bolatynyn aıtty. «Biz 7-9 jeltoqsan aralyǵynda mereıtoıymyzdy atap ótemiz. Ony toılaýdyń naqty kúni joq, osy jyl boıy atalyp ótiledi. Qazir sońǵy 25 jyldy qorytyndylap jatyrmyz, bul kezeńde elde de, Ermıtaj ómirinde de kóptegen aıtýly oqıǵalar oryn aldy. Qazir kún saıyn 2-3 kórmeden ashýdamyz», - dedi Pıotrovskıı.
Sondaı-aq 6 jeltoqsanda jurtshylyq nazaryna Ermıtajdyń mereıtoıyn merkeleý aıasynda «Tarıh baly» 3D qoıylymy usynylady. Budan basqa taǵy birneshe bal uıymdastyrylmaq.
