Ermıtajdyń ǵylymı kitaphanasynyń qyzmetkeri XVIII ǵasyrdyń naqyshtaryn urlaǵany úshin ustaldy
ASTANA. QazAqparat - Ermıtajdyń ǵylymı kitaphanasy qyzmetkerleriniń biri XVIII ǵasyrdyń naqyshtaryn urlaýǵa kúdiktelip ustaldy, dep habarlady Rosbalt.
Peterbýrg jáne Lenıngrad oblysy boıynsha FQQ basqarmasynyń baspasóz qyzmetinen habarlanǵandaı, Ermıtajdyń ǵylymı kitaphanasynyń qyzmetkerleri qańtar aıynda qorlardyń jaı-kúıin komıssııalyq tekserý barysynda birqatar XVIII ǵasyrǵa jatatyn naqyshtar joǵalǵany anyqtaldy.
Quqyq qorǵaý organdary tergeý júrgizip, RF QK 4-bólimi 4-baby boıynsha («asa iri mólsherdegi urlyq») qylmystyq is qozǵady. Qylmys jasaýǵa kúdiktelgen ǵylymı kitaphana qyzmetkerleriniń biri ustaldy.
Onyń jáne jaqyn tanysynyń turǵylyqty jerin tintý barysynda, sondaı-aq Peterbýrgtiń birqatar antıkvarlyq dúkenderinen Memlekettik Ermıtajdan urlanǵan kóptegen naqyshtar, lıtografııalar, fotosýretter, sondaı-aq XVII-XIX ǵasyrlarǵa jatatyn eski kitaptar tabyldy.
