Ermıtajdaǵy mýmııalarǵa alǵash ret tomografııa jasaldy
ASTANA. QazAqparat - Memlekettik Ermıtaj jınaqtamasyndaǵy ejelgi mýmııalardyń naqty jasyn jáne ólim sebebin anyqtaý maqsatynda alǵash ret rentgendik kompıýterlik tomografııa jasaldy. Bul týraly murajaıdyń saıtynda jarııalanǵan habarlamada jazylǵan, dep habarlaıdy Lenta.rý.
1949 jyly Taýly Altaıda zerttelgen besinshi Pazyraq qorǵanynda bizdiń zamanymyzǵa deıingi III ǵasyrda tabylǵan eki mýmııa zertteý nysanyna aınaldy. Antropologtardyń boljamyna súıensek, jasy 55-60 shamasyndaǵy kósem bolǵan er kisi men onymen birge jerlengen 45-50 jastaǵy áıel kisiniń múrdesi tomografııaǵa túsirildi.
16 túrli rejımde ótken zertteý nátıjesinde birneshe myńdaǵan sýretter alyndy. Atap ótilgendeı, bul Pazyraq qorǵanyndaǵy adamdardyń ómir saltyn anyqtaýǵa múmkindik beredi. Skanerleýdiń maqsaty - adamdardyń ne sebepti qaıtys bolǵanyn jáne aýrýlaryn anyqtaýǵa, sonymen qatar olardyń syrt beınesi men mýmıfıkatsııa tásilderin úırenýge jol ashady.
Pazyraq mádenıeti - Taýly Altaı ólkesin temir dáýirinde mekendegen taıpalardyń arheologııalyq mádenıeti. Bul mádenıettiń adamdary negizinen Qazaqstan, Altaı Respýblıkasy men Mońǵolııa aýmaǵynda mekendegen.
