Ermıtaj Renýardyń kartınasyn 90 mln. eýroǵa saqtandyrady
ASTANA. QazAqparat - Memlekettik Ermıtaj Per Ogıýst Renýardyń «Mýlen de la Galett baly» kartınasyn saqtandyrý qyzmetterine 9 mln. 850 myń rýbl jumsaýǵa ázir. Kartına 16 naýryz ben 17 shilde aralyǵynda ótetin «Ermıtajdaǵy álem murajaılarynyń jaýharlary» ýaqytsha kórmesinde kórsetiledi.
Kelisim-sharttyń joǵary baǵasy - 9 850 000 rýbl. Eger saqtandyrý jaǵdaıy bola qalǵan kezde oryndaýshy Parıjdegi D'Orse murajaıyna 90 mln. eýro tóleýge tıis.
«Mýlen de la Galett baly» kartınasyn frantsýz ımpressıonısi Ogıýst Renýar 1876 jyly salǵan. Qazir bul kartına D'Orse murajaıynda saqtaýly tur. 1990 jyly ol Nıý-ıorktegi Sotheby's bássaýdasynda 78 mln. dollarǵa satylǵan bolatyn. Sodan beri ol bássaýda tarıhyndaǵy eń qymbat kartınanyń biri bolyp sanalady.
