Ermıtaj óziniń 250 jyldyǵyn atap ótýde
ASTANA. QazAqparat - Álemdegi eń úlken, 3 mııllıonǵa tarta ekspontatary bar Ermıtaj bıyl óziniń 250 jyldyǵyn atap ótýde, dep habarlady jtimes.ru.
Ermıtaj basshylyǵy eleýli mereıtoı qurmetine kelýshilerdi biregeı ekspozıtsııalarymen tańǵaldyrmaq. Onyń tarıhy Ekaterına ekinshi patshaıym kezinen bastaý alady, onyń ózi jınaǵan óner jaýharlaryn qonaqtaryna maqtanyshpen kórsetýdi jaqsy kóretin.
Mereke qurmetine Ermıtaj kelýshileri jańǵyrtýshylardyń jumysy arqasynda jańarǵan jumystarmen tanysatyn bolady. Olardyń kópshiligi uzaq ýaqyt boıy joǵalyp ketken dep eseptelip keldi. Ekspozıtsııalardyń ishinde jańartylǵan jádigerlikterdiń ózi 200 shamasynda. Olardyń arasynda Rım Afrodıtasynyń basy, Tıtsıannyń jumystary bar.
Ulybrıtanııalyq áriptesteri tartý etken ejelgi grek músini naǵyz tamasha syılyq boldy. Grektiń Parfenon sý qudaıynyń músinine 2,5 myń jyldan asty. Ony Ermıtajdan 2015 jylǵy qańtar aıynyń ortasyna deıin kórýge bolady.
