Ermekbaev pravoslav shirkeýiniń beıbitshilikti nyǵaıýtýǵa qosqan mańyzdy úlesi bar ekendigin atap ótti
ASTANA. QazAqparat - Búgin Din isteri jáne azamattyq qoǵam mınıstri Nurlan Ermekbaevtyń Astana jáne Qazaqstan Mıtropolıti Aleksandrmen kezdesti.
Іs-shara barysynda taraptar memleket pen dinı birlestikterdiń ózara is-qımyly týraly ózekti máselelerdi talqylady.
N.Ermekbaev óz sózinde Qazaqstan pravoslav shirkeýiniń qoǵamymyzda beıbitshilik pen kelisimniń nyǵaıýyna qosqan úlesiniń mańyzdylyǵyn, memleket pen dinı birlestikter arasyndaǵy jemisti únqatysýdy damytý jaıly atap ótti.
Sonymen qosa, Mınıstr qoǵamnyń rýhanııatyn arttyrý, elge, halyqqa degen súıispenshilikke, ulttyq dástúr men ádet-ǵuryptardy qurmetteýge tárbıeleıtin shynaıy rýhanı qundylyqtardy túsindirý, sondaı-aq halyqtyń boıynda din atyn jamylǵan radıkaldy ıdeologııalarǵa qarsy turatyn ımmýnıtetti qalyptastyrý Qazaqstandaǵy dinı birlestikterdiń mańyzdy mindetteriniń biri bolyp tabylatynyna toqtalyp ótti.
Kezdesý barysynda dinı qatynastar sýbektileriniń barlyǵy Qazaqstan Respýblıkasynyń «Dinı qyzmet jáne dinı birlestikter týraly» Zańyn saqtaýy mańyzdy ekendigine basa nazar aýdaryldy.
