Ermekbaev Qazaqstannyń Bas ravvınimen dinı birlestikter qyzmetin talqylady
ASTANA. QazAqparat - Búgin, 21 qyrkúıekte Din isteri jáne azamattyq qoǵam mınıstri Nurlan Ermekbaev Qazaqstannyń Bas ravvıni Eshaıa Kogenmen kezdesti. Bul týraly mınıstrliktiń baspasóz qyzmeti habarlady.
Kezdesý aıasynda taraptar memlekettik-konfessııalyq qatynastar men dinı birlestikterdiń qyzmeti týraly ózekti máselelerdi talqylady.
Іs-shara barysynda mınıstr qoǵamdaǵy rýhanı qundylyqtardy, beıbitshilik pen toleranttylyqty qalyptastyrýdaǵy, sondaı-aq Qazaqstandaǵy dinge senýshilerdiń órkendeýge, birlik pen yntymaqtastyqqa umtylysyn qalyptastyrýdaǵy dinniń rólin atap ótti.
Sondaı-aq, N.Ermekbaev dinı qatynastar sýbektileriniń barlyǵy Qazaqstan Respýblıkasynyń «Dinı qyzmet jáne dinı birlestikter týraly» Zańyn saqtaýy mańyzdy ekendigine basa nazar aýdardy.
Óz kezeginde Qazaqstannyń Bas ravvıni dástúrli din qyzmetshileri memleketpen syndarly suhbat qurýǵa árdaıym daıyn ekendigin jetkizdi.
