Ermekbaev Bas múftımen birge bilikti ımamdar daıarlaý máselesin talqylady
ASTANA. QazAqparat - 19 qyrkúıekte Din isteri jáne azamattyq qoǵam mınıstri Nurlan Ermekbaevtiń Qazaqstan musylmandary dinı basqarmasynyń tóraǵasy, Bas múftı Erjan Maıamerovpen kezdesti.
Kezdesý barysynda taraptar din salasyndaǵy ózekti máseleler jáne memleket pen dinı birlestikter arasyndaǵy árekettesýge qatysty pikir almasty.
Mınıstr óz sózinde QR «Dinı qyzmet jáne dinı birlestikter týraly» Zańynyń normalaryna sáıkes dinı birlestikter jáne Qazaqstan Respýblıkasynyń azamattary, sheteldikter men azamattyǵy joq adamdar dinge kózqarasyna qaramastan zań aldynda teń ekendigin atap ótti.
N.Ermekbaev Dinı basqarma tarapynan dinı birlestiktiń qyzmetin keleshekte jetildirýge qatysty qabyldanǵan jáne júzege asyrylýdaǵy birshama kontseptýaldy qujattardyń mańyzdy bastama ekendigi týraly pikirin bildirdi. Mınıstr dinı ekstremızmniń profılaktıkasy boıynsha mınıstrlik pen QMDB arasyndaǵy ózara árekettesý máseleleriniń mańyzdylyǵyn atap ótti.
Bas múftı óz tarapynan memleket pen Qazaqstan musylmandary dinı basqarmasy arasyndaǵy qalyptasqan konstrýktıvti qarym-qatynasqa toqtaldy. Dinı basqarmanyń tóraǵasy musylmandardyń rýhanı qajettilikterin barynsha qanaǵattandyrý jáne áleýmettik jobalardy iske asyrý, sondaı-aq destrýktıvti dinı aǵymdardyń taralýyna jol bermeý maqsatynda barlyq qoǵammen birlesip at salysý dinı birlestik úshin asa mańyzdy bolyp tabylatynyn atap ótti.
Qazaqstan musylmandarynyń basshysy ımamdyq korpýstyń joǵary bilikti kadrlaryn daıarlaý jáne elimizdegi teologııalyq bilim berý júıesin jetildirý máselelerin mańyzdy mindet retinde belgiledi.
Kezdesý sońynda eki tarap dinaralyq kelisimdi qamtamasyz etý salasynda aldaǵy ýaqyttaǵy jumystardy birlese atqarýǵa kelisti.
