Ermek Tursynovtyń «Shyraqshy» fılmi Shanhaıdaǵy kınofestıvalge qatysady
ALMATY. QazAqparat - Rejısser Ermek Tursynovtyń «Shyraqshy» (Hranıtel) kórkem fılmi Shanhaı halyqaralyq kınofestıvaline qatysady, dep habarlaıdy QazAqparat «Qazaqfılmge» silteme jasap.
Kınostýdııanyń málimetinshe, XXII Shanhaı halyqaralyq kınofestıvali 15-24 maýsym aralyǵynda ótedi, «Shyraqshy» fılmi negizgi konkýrstyq baǵdarlamaǵa qatysady.
Osy festıvaldiń negizgi konkýrsynda qazaqstandyq fılm alǵash ret kórsetiledi. 2013 jyly «Panorama» konkýrstan tys baǵdarlamasynda Dárejan Ómirbaevtyń «Stýdenti», Ermek Amanshaevtyń «Parallel álemi» kórsetilgen.
Halyqaralyq qazylar alqasyn ataqty túrik kınorejısseri, Kann kınofestıvaliniń «Altyn palma» tarmaǵynyń laýreaty Nurı Bilge Jeılan basqarady.
Fılmdi QR Mádenıet jáne sport mınıstrliginiń tapsyrysy boıynsha «Kazaqfılm» men «Tursynov fılm» kompanııasynyń birlesip túsirgen. Teletýyndy fılm soǵystan oralǵan sarbazdyń tarıhyn baıandaıdy.
Aıta keterligi, Shanhaı festıvali - Qytaıdyń eń iri kınofestıvali. Birinshi Shanhaı kınofestıvali 1993 jyldyń qazan aıynda ótti. 33 elden 167 fılm kórsetildi, oǵan 300 myń adam kórermender qatysty, qazylar alqasy arasynda Karen Shahnazarov jáne Olıver Stoýn boldy. Sodan beri ol árbir eki jyl saıyn, tipti 2001 jyldan keıin, kınofestıvaldi jyl saıyn ótkizý sheshildi.
