Ermek Tursynov 25 jyl buryn jazylǵan dıplomdyq jumysyn ekranǵa shyǵardy
ALMATY. QazAqparat - Ermek Tursynov 25 jyl buryn jazylǵan dıplomdyq jumysyn ekranǵa shyǵardy. Bekmambetov sınema zalynda «Jat» fılminiń jýrnalısterge arnalǵan kórsetilimi ótti.
Aıta ketý kerek, kartına Toronto qalasynda ótken kınofestıvalde joǵary baǵaǵa ıe boldy. Munda 300-ge jýyq kartına baǵyn synaǵan bolatyn. Fılmniń prodıýseri Qanat Tórebaıdyń aıtýynsha, erteń «Eýrazııa» kınofestıvalinde Ulttyq, Eýropalyq jáne Azııalyq premerasy ótedi.
«Fılm shynaıy oqıǵaǵa negizdelip túsirildi. Keńes zamanynyń quıtyrqy saıasatynan qashqan Іlııas esimdi bala taý-tasty panalap, jabaıy ǵumyr keshedi. Biraq báribir oǵan qoǵamǵa qaıtyp kelýge týra keledi. Fılm barysynda qoǵam men tulǵanyń, tulǵa men tabıǵattyń arasyndaǵy qaıshylyq týraly baıandalady. Qoǵamnan qol úzip qala almaǵan qoıshy ómiriniń sońyna deıin ujymshardyń qoıyn baǵyp ótken. Shyn máninde ol 2002 jyly qaıtys bolǵan. Rejısser Ermek Tursynov óziniń bala kezinde álgi adamdy kórgen eken. Al kınoda ol 1955 jyly kóz jumady», - dedi prodıýser.
Prodıýserdiń aıtýynsha, fılmdi túsirýge asa kóp qarjy ketpegen. Negizgi qarjy dekoratsııa jasaýǵa jumsaldy.
Aıta ketý kerek, bul kartına Oskar kınofestıvaline «shet tilindegi» eń úzdik fılm atalymynda usynyldy.
Eń bedeldi kınofestıvalge jyl saıyn 2 myńǵa jýyq kartına usynylady. Jeltoqsan aıynda long lıst qalyptasyp, eń úzdik júzdik irikteledi. Qańtardyń ortasynda 9 kartınadan turatyn short-lıst, aqpanda eń úzdik 5-tikti anyqtaıtyn sýper short-lıst belgili bolmaq.
