Ermek Serkebaevqa arnalǵan kollektsııalyq moneta aınalysqa shyǵady
ASTANA. KAZINFORM – Kollektsııalyq monetalar 28 mamyrdan bastap Ulttyq banktiń ınternet-dúkeni arqyly satylady.
Qazaqstan Ulttyq banki «Este qalatyn oqıǵalar men birtýar adamdar» serııasynan «E. SERKEBAEV. 100 JYL» jáne «Júrekten júrekke» serııasynan «AINALAIYN» kollektsııalyq monetalaryn aınalysqa shyǵarady.
Ermek Serkebaev (1926-2013) – kórnekti keńes jáne qazaq opera ánshisi (lırıkalyq barıton), pedagog jáne akter. KSRO halyq artısi (1959) jáne Sotsıalıstik Eńbek Eri (1986). 1947 jyldan bastap Abaı atyndaǵy Qazaq opera jáne balet teatrynyń solısi boldy. Keńestik opera sahnasynda «Sevılskıı tsırıýlnık» operasyndaǵy Fıgaro partııasyn jáne ulttyq «Abaı» operasyndaǵy Abaı partııasyn oryndaýy arqyly keńinen tanyldy. Moneta dızaınynda Ermek Serkebaevtyń portrettik beınesi paıdalanylǵan.
Moneta melhıor (MN 25) qospasynan daıyndalǵan, massasy – 15 gramm, dıametri – 33 mm, daıyndaý sapasy – brilliant uncirculated, nomınaly – 200 teńge, taralymy – 7 000 (jeti myń) dana.
Monetada quraq kórpeni eske túsiretin kompozıtsııa beınelengen. Moneta jıeginiń boıymen sheńber jasap qaıtalanǵan «AINALAIYN» sózi shetinen ortasyna qaraı aǵylǵan qozǵalys áserin beredi. Kompozıtsııanyń ortasynda shýaqty kún beıneli oıý-órnekpen kómkerilgen «Júrek» elementi ornalasqan. Bul beıneler jylýlyqty, sheksiz mahabbat pen shynaıy qamqorlyqty bildiretin qazaqtyń «Aınalaıyn» sóziniń maǵynasyn ashýǵa arnalǵan.
925 synamaly kúmisten jasalǵan. Daıyndaý barysynda túrli tústi baspa jáne qubylmaly kempirqosaq reńkti (ınterferentsııalyq) qabat tehnologııasy qoldanylǵan. Massasy – 31,1 gramm, dıametri – 38,61 mm, daıyndaý sapasy – proof, nomınaly – 1000 teńge, taralymy – 3 000 (úsh myń) dana;
melhıor (MN 25) qospasynan turady, massasy – 15 gramm, dıametri – 33 mm, daıyndaý sapasy – brilliant uncirculated, nomınaly – 200 teńge, taralymy – 10 000 (on myń) dana.
Monetalardyń barlyq túri eldiń búkil aýmaǵynda ózderiniń belgilengen qunyna saı tólemderdiń barlyq túri boıynsha qabyldaýǵa, sondaı-aq eldiń barlyq bankinde bank shottaryna esepke alýǵa jáne aýdarýǵa, usaqtaýǵa jáne aıyrbastaýǵa jatady.
Kollektsııalyq monetalar Qazaqstan teńge saraıynda daıyndaldy.
Aıta ketelik Qazaqstanda FIFA WORLD CUP 2026 monetalary satyla bastaǵan edi.
