Ermek Marjyqpaev jol apatynan kóz jumǵan júrgizýshiniń otbasymen kezdesti
KÓKShETAÝ. QazAqparat – Aqmola oblysynyń ákimi jol apatynan kóz jumǵan adamnyń otbasymen kezdesti. Bul týraly aımaq basshysy Ermek Marjyqpaev áleýmettik jelidegi paraqshasynda jarııalady, dep habarlaıdy QazAqparat tilshisi.
«Áleýmettik jelidegi meniń akkaýntymda «Kókshetaý-Şýche» tas jolynda jol-kólik oqıǵasy oryn alǵany týraly pikir qaldyrylǵan bolatyn. Jol oqıǵasy saldarynan 1992 jylǵy jerlesimiz qaza tapty. Mert bolǵan jerlesimizdiń otbasymen kezdesip, kóńil aıttym. Sondaı-aq, kezdesýge Aqmola oblystyq polıtsııa departamentiniń qyzmetkerleri qatysty. Polıtsııa departamentine isti jeke baqylaýǵa alýdy tapsyrdym», - dep jazdy aımaq basshysy.
Aıta keteıik, Aqmola oblystyq PD málimeti boıynsha, jol-kólik oqıǵasy ótken jyly jeltoqsannyń 20-da «Nur-Sultan-Kókshetaý» tas jolynyń 282 shaqyrymynda DAF, Mitsubishi jáne Nissan qashai kólikteri soqtyǵysqan bolatyn. Jol apatynan Mıtsýbısı kóliginiń júrgizýshisi Aqmola oblystyq kópbeıindi aýrhanasynda kóz jumdy. Osyǵan baılanysty QR QK 345 babynyń 3 baby boıynsha sotqa deıingi tergeý amaldary qolǵa alynǵan edi.
