Ermek Marjyqpaev pen ıÝrıı Ilın Aqmola oblysyndaǵy sý tasqyny qaýpi bar aımaqty áýeden baqylady
KÓKShETAÝ. QazAqparat - Aqmola oblysynyń ákimi Ermek Marjyqpaev QR Іshki ister mınıstriniń orynbasary ıÝrıı Ilınmen birge óńirdiń sý tasqynynyń qaýipi bar Zerendi, Sandyqtaý jáne Atbasar aýdandaryn tikushaqpen áýeden baqylap shyqty. Ásirese, Atbasar qalasynda Jabaı ózeni mańyndaǵy nysandardy sýdan qorǵaý úshin topyraqtan turǵyzylǵan bóget nazarǵa alyndy, dep habarlaıdy QazAqparat tilshisi oblys ákimdiginiń baspasóz qyzmetine silteme jasap.
Jabaı ózeniniń jaǵasyn tazartý jumystary Atbasar qalasy shekarasy jáne temirjol kópiri deıin aýmaqta júrgizildi, sondaı-aq, ózenniń arnasy keńeıtilip, tereńdetildi.
ıÝrıı Ilınniń aıtýynsha, Atbasar aýdanynda sý tasqynynyń qaýipi kúrdeli. Jabaı ózenine keletin bolsaq, sý deńgeıiniń qaýipti shebine deıin áli 1,6 metr bar. Aldaǵy 7-10 kúnde sýdyń deńgeıi kóterilýi múmkin.
«Bıylǵy qys qarly bolýymen erekshelendi. Jaýǵan qardyń qory jyldaǵy ortasha normadan 2,5-3 ese kóp boldy. Biz sý tasqynyna myqtap daıyndaldyq. Qalany qorǵaý úshin topyraqtan turǵyzylǵan bóget nyǵaıtyldy», - dedi Ermek Marjyqpaev.
Aımaq basshysy ótken jyldary sý tasqynynan zardap shekkenderdiń jańa baspanaǵa kóshirilgenin atap ótti. Qaýipti aımaqta 450 otbasy turyp jatyr. Bul otbasylar úshin Atbasar qalasynda 100 páterli bes turǵyn úı salý josparlanǵan.
Sonymen qatar, Atbasarda №1 orta mektepte qaýipti aımaqta ornalasqan. Ǵımarat kúrdeli jóndeýden ótken. Bıyl mektep mańyna qup salynǵan qaptar tóseý sııaqty sýdan qorǵaý sharasy júrgizildi. Alaıda, bul azdyq etedi. Mektepti aǵyn sýdan tolyq qorǵaý úshin betonnan quıylǵan irgetasy bar tas qorshaý turǵyzý qajet.
Aýdan ákimi Amanbek Qaljanov atap ótkendeı, bul nysannyń jobalyq-smetalyq quny 12 mıllıon teńgeni quraıdy.
«Bıýdjet úshin bul soma kóp emes. Eger mektepti shynymen qorǵaıtyn bolsa, onda nege monolıtti qorshaý turǵyzbasqa», - dep atap ótti aımaq basshysy.
Budan bólek, №4 orta mektep pen korrektsııalyq mektepte qaýipti aýmaqta ornalasqan. Atalmysh bilim berý mekemeleri aınala qorshaı ınertti materıaldar salynǵan 23,7 myń qap tóselgen.
Ermek Marjyqpaev Atbasar qalasynda «Atbasar-Shúı» tas jolynyń boıynda ornalasqan blokbekettiń jumysymen tanysty. Aýdanda koronavırýs ınfektsııasyn eskertip, aldyn alý úshin Atbasar qalasynda barlyǵy 6 blokbeket qoıylyp, polıtsııa bólimi jáne sanıtarlyq qyzmetterden barlyǵy 50-ge jýyq maman jumyldyrylǵan.
Atbasar aýdanyna jumys saparynyń sońynda aımaq basshysy Іlıas Esenberlın atyndaǵy aýdandyq kitaphanada bolyp, «Jumyspen qamtýdyń jol kartasy» sheńberinde josparlanyp otyrǵan aǵymdaǵy jóndeý jumystaryn pysyqtady.
Sonymen qatar, Ermek Marjyqpaev Zerendi aýdanyndaǵy Aıdabol bógetin bolyp, jaǵdaıymen tanysty.
