Ermek Marjyqpaev koronavırýs juqtyrǵan naýqastardyń jaǵdaıymen tanysty
KÓKShETAÝ. QazAqparat - Aqmola oblysynyń týrberkýlezge qarsy dıspanseriniń juqpaly aýralar bólimshesinde koronavırýs ınfektsııasyn juqtyrǵan 18 adam emdelip jatyr.
Taǵy bir adam karantınde jatyr. Bul týraly aımaq basshysy Ermek Marjyqpaev Instagram paraqshasynda jarııalady, dep habarlaıdy QazAqparat tilshisi.
Aımaq basshysynyń málimetinshe, emdelip jatqan 18 naýqastyń koronavırýs ınfektsııasyn juqtyrǵandyǵy zerthanada anyqtalǵan.
«Oblystyq týrberkýlezge qarsy dıspanserdiń juqpaly aýralar bólimshesinde boldym. Onda koronavırýs ınfektsııasyn juqtyrǵany zerthanada anyqtalǵan 18 adam em alýda jáne bir adam karantınge jatqyzylǵan.
Medıtsınalyq personaldyń qanshalyqty qorǵalǵandyǵy, juqpaly aýrýlar blogynyń qatań rejımdegi jumysy vıdeokadr arqyly tanystyryldy. Menimen naýqastar baılanysqa shyqty. Olardyń barlyǵynyń jaǵdaıy jaqsy, qyzmet sapasy men stantsıonarda ustaý jaǵdaıy óte joǵary», - dep jazady aımaq basshysy.
Aıta keteıik, koronvarıýs ınfektsııasynyń taralýyna baılanysty Aqmola oblysynda naýryzdyń 31-nen saǵat 19:00-den bastap, karantındik shekteý sharalary engizildi.
