Ermek Marjyqpaev kópbalaly analar men qyz-kelinshekterdi marapattady
KÓKShETAÝ. QazAqparat – Aqmola oblysynyń ákimi Ermek Marjyqpaev 8 naýryz – Halyqaralyq áıelder kúnine oraı bir top aqmolalyq kópbalaly analarǵa «Altyn alqa» jáne «Kúmis alqa» alqalaryn tabys etti.
Sondaı-aq, ár salada eńbek etip júrgen analar men qyz-kelinshekterdi merekelerimen quttyqtady, dep habarlaıdy QazAqparat tilshisi.
«Halqymyzda «Ana bir qolymen besiktegi sábıin, ekinshi qolymen álemdi terbetedi» degen ataly sóz bar. Rasynda, adamzat ómiriniń irgetasy áıeldiń qolymen qalanady. Áıel qashan da tirshiliktiń shyraıy, otbasynyń shyraǵy. Sondyqtan da, asyl analarymyz ben qaryndastarymyzdyń orny erekshe», – dedi oblystyq ákimdikte kópbalaly analarmen kezdesken aımaq basshysy Ermek Marjyqpaev quttyqtaý sózinde.
Sharada Qazaqstan Respýblıkasynyń Prezıdenti Qasym-Jomart Toqaevtyń Jarlyǵymen «Altyn alqa» jáne «Kúmis alqa» alqalarymen marapattalǵan bir top kóp balaly analarǵa erekshe iltıpat kórsetildi.
Óz kezegine analardyń atynan sóz sóılegen kókshetaýlyq kópbalaly ana, elimizdiń bilim salasynyń úzdigi Olga Myrzageldınova osyndaı qurmet kórsetip otyrǵan oblys basshylyǵyna analyq alǵysyn bildirdi.
Qazirgi tańda Aqmola oblysynda 7 myńnan astam kópbalaly ana turyp jatyr. Olardyń 2384-i «Altyn alqa», 3 660-y «Kúmis alqa» ıegerleri.
Sonymen qatar, aımaq basshysy Kókshetaýdaǵy qarttar men múgedekter úıindegi analardy, «Kókshetaý sút zaýyty» jaýapkershiligi shekteýli seriktestiginiń áıelder ujymyn jáne Saryarqa shaǵyn aýdanyndaǵy №2 mamandanyrylǵan órt sóndirý bóliminde oblystyq TJD men PD qyzmet istep júrgen qyz-kelinshekterdi kóktemniń shýaqty merekesimen quttyqtap, syı-sıapat jasady.
Budan bólek, Kókshetaý qalasyndaǵy Vasılkovka shaǵyn aýdanynda turatyn Uly Otan soǵysynyń ardageri Valentına Mazýrovany da úıine baryp, quttyqtady.
