Ermek Marjyqpaev Kókshetaý qalasy ákiminiń jumysyn synǵa aldy
KÓKShETAÝ. QazAqparat - Aqmola oblysynyń ákimi Ermek Marjyqpaevtyń tóraǵalyǵymen Kókshetaý qalasyn damytý másleleri boıynsha májilis ótti, dep habarlaıdy QazAqparat tilshisi oblystyq ákimdiktiń baspasóz qyzmetine silteme jasap.
Oblys ákiminiń orynbasary Málgajdar Tátkeev baıandamasynda atap ótkendeı, «Aýyl - El besigi» arnaıy jobasy boıynsha Krasnoıar kentinde 25 shaqyrym jolǵa ortasha jóndeý jumystary júrgizildi. Bólingen 869 mıllıon teńge qarjynyń 281 mıllıon teńgesi ıegerildi. Sonymen birge, asfalt tósendisinde anyqtalǵan aqaýdy joıý boıynsha 5 shaqyrymynda jóndeý jumystary qolǵa alyndy. Bólingen qarjynyń qalǵanyn qazan aıynda ıgerý josparlanǵan.
Búgingi tańda oblysta 7429 jumys orny ashylǵan, onyń 3945-si eńbekpen qamtý ortalyqtary arqyly. Bul jyldyq jospardyń 70,1 paıyzy. Osy rette, Kókshetaý qalasynda jumys ornyn ashý boıynsha birqatar olqyl bar. Sonymen birge, oblys ortalyǵynda 188 jumys ornyn ashýǵa múmkindik beretin úsh jobany júzege asyrý jumystary áli bastalǵan joq.
Aımaq basshysy qala ákimniń jumysyn synǵa alyp, Krasnoıar kentindegi joldardy jóndeýge bólingen qarjyny tolyq ıgerýdi, «Jumyspen qamtýdyń jol kartasy-2020-2021» sheńberinde jumys oryndaryn ashý josparyn oryndaýdy tapsyrdy.
Budan bólek, jumys berýshiler jumysshylarmen jeke kelisimshartyn «Jumys oryndaryn ashý kartasy» bazasyna engizýdi 100 paıyz qamtamasyz etý arqyly úsh jospardy júzege asyrý boıynsha shara qoldanyldy.
Jıynda aıtylǵandaı, Áýezov jáne Aqan seri kósheleriniń aralyǵynda Ǵabdýllın kóshesiniń boıyndaǵy jylý qubyrlaryn qalpyna keltirý jumystary kesteden qalyp otyr. Buǵa qosa TM-2 jylý magıstralynyń qurylysy da materıaldardyń kesh jetkizilýine baılanysty kesheýildetýde.
