Ermek Marjyqpaev: Elordanyń irgesindegi 20 eldi mekende gaz jelisiniń qurylysy bastaldy
Bul týraly búgin Aqmola oblysynyń ákimi Ermek Marjyqpaev «2019 jyldyń áleýmettik–ekonomıkalyq damý qorytyndysy jáne 2020 jyldyń negizgi mindetteri týraly» halyq aldyndaǵy esep berý kezdesýinde aıtty, dep habarlaıdy QazAqparat tilshisi.
Kezdesýde aımaq basshysy óńirde gaz tartý jáne jylýmen jabdyqtaýdy jańǵyrtý máselelerine toqtaldy.
«Qyzylorda - Nur-Sultan» baǵyty boıynsha «Sary-Arqa» magıstraldy gaz qubyry qurylysynyń birinshi kezeńi sheńberinde elordanyń irgesindegi Arshaly jáne Tselınograd aýdandaryndaǵy 20 eldi mekende gaz taratý jelisiniń qurylysy bastaldy. Joba júzege asyrylǵan kezde 50 myń adam kógildir otynǵa qol jetkizedi.
«Búgingi kúni 9 joba boıynsha memlekettik saraptama alynsa, 4 jobanyń saraptamasy osy aqpan aıynda daıyn bolady», - dedi E.Marjyqpaev.
