Ermek Marjyqpaev Tselınograd aýdanynyń turǵyndarymen kezdesti
Aımaq basshysy Qosshy jáne Lesnaıa polıana eldi mekenderindegi «Tabys Quryltaı» jáne «Jaılaý City» turǵyn úı qurylys kompanııalarynyń úleskerleri jáne «Lesnaıa polıana» turǵyn kesheniniń turǵyndarymen kezdesti.
Júzdesýde jol qurylysy, turǵyn úı-kommýnaldyq sharýashylyǵyndaǵy túıtkilder, Qosshy aýylyna úzdiksiz sý berýdi qamtamasyz etý jáne Taıtóbe aýylyndaǵy kıeli jerler máselesi aıtyldy.
Osy rette, óńir basshysy osy jerde aıtylǵan barlyq másele baqylaýǵa alynyp, qoldanystaǵy zańnama sheńberinde sheshiletinin jetkizdi.
Budan keıin Ermek Marjyqpaev osy kezdesýde aıtylǵan turǵyn úı qurylysy alańyna baryp, jumys barysymen tanysty.
Al Qosshy aýylynda bolǵanynda Tselınograd aýdanynyń ákimi Málgajdar Tátkeev jylý qazandyǵynyń jaǵdaıy týraly aıtyp berdi.
Jylý qazandyǵyn kózben kórip, aýdan ákiminiń sózine qulaq túrgen aımaq basshysy qazandyqtyń qýatyn arttyrý úshin jańǵyrtý boıynsha usynystar engizý týraly tapsyrma berdi.
Eske sala keteıik, osyǵan deıin habarlaǵanymyzdaı, oblys ákimi Ermek Marjyqpaev Tselınograd aýdanyna jumys sapary barysynda kóktemgi sý tasqynynyń saldarynan aýyz sýsyz qalǵan Qosshy aýyly turǵyndaryn aýyz sýmen qamtamasyz etý boıynsha atqarylyp jatqan jumystarmen tanysqan edi. Sol kezde Tselınograd aýdanynyń ákimi Málgajdar Tátkeevke qysqa merzimniń ishinde turǵyndarǵa turaqty sý berýdi qalpyna keltirýdi tapsyrǵan bolatyn.
