Ermek Marjyqpaev: Bıyl 11 aýylda sý qubyry júıesi salynady
KÓKShETAÝ. QazAqparat - Aqmola oblysynda turǵyndardy sapaly aýyz sýmen qamtamasyz etý sharalary qabyldanýda. Bul týraly Aqmola oblysynyń ákimi Ermek Marjyqpaev halyqqa esep berý kezdesýinde aıtty, dep habarlaıdy QazAqparat tilshisi.
Kezdesýde aımaq basshysy eldi mekenderdi sapaly aýyz sýmen qamtamasyz etý máselesine toqtaldy. Ótken jyly oblystyń 8 aýdanyndaǵy 11 aýylda sýmen jabdyqtaý jaqsardy. Máseleniń sheshimi elorda mańyndaǵy óńirlerdiń turǵyndary úshin basty nazarda. Uzaq ýaqyt boıy aýyz sýǵa muqtaj bolǵan Tselınograd aýdanynyń Qarajar aýylynyń turǵyndary búginde sapaly aýyz sýdy paıdalanady.
«Aǵymdaǵy jyly taǵy 11 aýylda sý qubyry júıesi salynady. Jalpy oblys boıynsha aýyl turǵyndaryn ortalyqtandyrylǵan sýmen qamtý kórsetkishi 87 paıyzǵa jetedi», - dedi Ermek Marjyqpaev.
Oblysta Memleket basshysynyń tapsyrmasy aıasynda árbir aýyl men qalany sapaly aýyz sýmen qamtamasyz etý úshin 2023 jylǵa deıin sýmen jabdyqtaý júıesin damytý boıynsha Jol kartasy ázirlendi.
Búginde oblysta ortalyqtandyrylǵan aýyz sýmen qamtamasyz etý kórsetikshi 60,7 paıyzǵa jetti.
