Ermek Marjyqpaev Arshaly jáne Tselınograd aýdandaryna kógildir otyn tartý týraly aıtty

NUR-SULTAN. QazAqparat – Aqmola oblysynyń ákimi Ermek Marjyqpaev óńir eldi mekenderin gazben qamtamasyz etýge qatysty aıtty, dep habarlaıdy QazAqparat tilshisi.

«Arshaly jáne Tselınograd aýdandarynyń 20 eldi mekenin gazben qamtamasyz etý boıynsha jumys jalǵasyp jatyr. Kógildir otynǵa qosylý múmkindigine aýyldyq jerdegi 35 myńnan astam adam ıe bolady», - dedi E. Marjyqpaev Ortalyq kommýnıkatsııalar qyzmetinde.

Onyń aıtýynsha, qazirgi kezde 100 myńnan astam turǵyny bar Tselınograd aýdanynyń taǵy 8 eldi mekenine gaz tartýǵa jobalyq qujatnama daıyndalyp jatyr.

«Ekinshi kezektegi qurylys-montajdaý jumystary 2022 jyly bastalyp, kezeń-kezeńmen 2023 jyly aıaqtalady. Gazben qamtamasyz etý máselesi oblys ákimdiginiń erekshe baqylaýynda tur», - dedi ol.