Ermek Marjyqpaev Prezıdentke Azıada qorytyndysy jaıly esep berdi

Memleket basshysy Týrızm jáne sport mınıstri Ermek Marjyqpaevty qabyldady, dep habarlaıdy Kazinform Aqordaǵa silteme jasap. 

Qasym-Jomart Toqaevqa mınıstrliktiń qazirgi qyzmeti men aldaǵy kezeńge arnalǵan jospary týraly baıandaldy.

Memleket basshysyna Qytaıda ótken Azııa jáne Parazııa oıyndarynyń qorytyndysy boıynsha júrgizilgen saraptama nátıjesi jóninde esep berildi.

Prezıdent salany damytýdyń jańa tásilderin ázirleý úshin sapaly ári kezeń-kezeńimen jumys júrgizýdi tapsyrdy.

Sonymen qatar Memleket basshysyna mınıstrlikke qarasty salalardaǵy zańnamalyq bazany jetildirý, elimizdiń týrıstik áleýetin odan ári damytý jóninde málimet berildi.

Kezdesý sońynda Qasym-Jomart Toqaev mınıstrlikke atalǵan baǵyttar boıynsha naqty mindetter júktedi.