Ermek Marjyqpaev pen Gennadıı Golovkın olımpıadalyq aýyldy aralady
PARIJ. KAZINFORM – Búgin Týrız jáne sport mınıstri Ermek Marjyqpaev pen Ulttyq Olımpıada komıtetiniń basshysy Gennadıı Golovkın olımpıadalyq aýylǵa baryp, sportshylarmen kezdesý ótkizip, Qazaqstan atletteriniń jaǵdaıymen tanysty.
Kezdesý bapysynda mınıstr men UOK basshysy sportshylarǵa sáttilik tilep, aldaǵy Olımpıadada tabysty óner kórsetýge tilektestik bildirdi.
Aıta keteıik, bizdiń sportshylar qatysatyn alǵashqy básekeler búgin bastaldy. 25 shildede sadaq atýshylar irikteýden ótýde.
Parıj Olımpıadasyna sporttyń 25 túrinen 80 qazaqstandyq sportshy joldama aldy. Oıynnyń ashylý saltanaty 26 shildede ótedi.
Bul kúnderi Frantsııa astanasy Parıj qalasynda ótetin HHHІІІ jazǵy Olımpıada oıyndaryna irikteý týrnırleri tolyǵymen aıaqtaldy. Qazirgi tańda tórtjyldyq dodaǵa joldama jeńip alǵan qazaqstandyq sportshylarymyz sońǵy oqý-jattyǵý jıyndaryn ótkizip jatyr.
Qazaqstan quramasy Olımpıada oıyndaryna sporttyń 25 túrinen 92 joldama jeńip aldy.
Naqtyraq aıtsaq, boks, dzıýdo, sportttyq gımnastıka, jeńil atletıka, baıdarka men kanoede esý, oqpen atý, semserlesý, grek-rım kúresi, erkin kúres, sadaq atý, stendtik atý, tennıs, veloshosse, júzý, zamanaýı bessaıys, taekvondo, velotrek, batýt gımnastıkasy, badmınton, akademııalyq esý, kórkem gımnastıka, trıatlon, ústel tennısi, quzǵa shyǵý jáne breıkıngten Olımpıada oıyndarynda synǵa túsedi.
Esterińizge sala keteıik, Frantsııa astanasy Parıj qalasynda ótetin XXXIII jazǵy Olımpıada oıyndary 26 shilde men 11 tamyz aralyǵynda ótedi. Oıyndarǵa álemniń 205 elinen 10 500 sportshy qatysady dep josparlanǵan.
