Ermek Marjyqpaev Parıj Olımpıadasyna daıyndyq týraly: Jaǵdaıymyz máz emes

ASTANA. KAZINFORM – Týrızm jáne sport mınıstri Ermek Marjyqpaev Parıj Olımpıadasyna utyp alynǵan lıtsenzııanyń sany az ekenin moıyndady.

«Parıjdegi XXXIII jazǵy Olımpıada oıyndaryna Qazaqstan quramasy sporttyń 18-20 túrinen qatysýdy josparlap otyr. Osy tusta aıta ketý kerek, bıyl Olımpıadaǵa arnaıy aqsha bólingen joq. Byltyrǵy qarajatpen shyǵyp jatyrmyz», - dedi ol.

Aıtýynsha, Qazaqstan quramasynyń qolynda qazir sporttyń 13 túri boıynsha 33 lıtsenzııa bar. 

«Bizden bári qansha júlde alatynymyzdy suraıdy. Shyny kerek, jaǵdaıymyz máz emes. Óıtkeni Tokıo Olımpıadasynyń aldynda bizde 45 lıtsenzııa bolǵan. Sondaı jumystarymyz bolyp tur.

Ulttyq qurama Olımpıadaǵa deıin taǵy 40-tan astam lıtsenzııalyq jáne reıtıngtik jarystarǵa qatysady. Qoldan kelgendi jasap jatyrmyz», - dedi ol.