Ermek Kósherbaev Premer-Mınıstrdiń orynbasary laýazymyna taǵaıyndaldy

ASTANA. KAZINFORM - Memleket basshysynyń Jarlyǵymen Ermek Bedelbaıuly Kósherbaev Qazaqstan Respýblıkasy Premer-Mınıstriniń orynbasary bolyp taǵaıyndaldy, ol burynǵy atqarǵan laýazymynan bosatyldy, dep habarlaıdy Aqordanyń baspasóz qyzmeti.

Ermek Bedelbaıuly Kósherbaev 1965 jylǵy 2 mamyrda Almatyda dúnıege kelgen.

C.Kırov atyndaǵy Qazaq memlekettik ýnıversıteti (1982-1988) Tarıhshy, shet tilinde oqytatyn tarıh pániniń muǵalimi, KSRO Syrtqy ister mınıstrliginiń Dıplomatııalyq akademııasyn (1991-04.1993) halyqaralyq qatynastar jáne syrtqy saıasat mamandyǵy boıynsha aıaqtady, dıplomat.

Qazaq, orys, aǵylshyn, koreı tilderin meńgergen

Mansap

QazSSR Syrtqy ister mınıstrliginiń qupııa is qaǵazdaryn júrgizý boıynsha aǵa ınspektory (08.1988-09.1988);
Qazaq KSR Syrtqy ister mınıstriniń kómekshisi (09.1988-10.1989);
Qazaq KSR Syrtqy ister mınıstriniń baspa jáne aqparat bóliminiń birinshi hatshysy (11.1989-06.1990);
Qazaq KSR Syrtqy ister mınıstriniń konsýldyq bóliminiń birinshi hatshysy (06.1990-09.1991);
Qazaqstan Respýblıkasynyń Syrtqy ister mınıstrliginiń Azııa elderi basqarmasynyń birinshi hatshysy (05.1993-08.1993);
Qazaqstan Respýblıkasynyń Syrtqy ister mınıstrliginiń Memlekettik protokol basqarmasynyń birinshi hatshysy (08.1993-12.1993);
Qazaqstan Respýblıkasynyń Syrtqy ister mınıstrliginiń Memlekettik protokol basqarmasynyń bólim meńgerýshisi (12.1993-06.1994);
Qazaqstan Respýblıkasynyń Prezıdenti Apparatynyń Halyqaralyq bóliminiń konsýltanty (06.1994-01.1996);
Qazaqstan Respýblıkasynyń Prezıdenti Apparatynyń Protokol qyzmeti basshysynyń mindetin atqarýshy (01.1996-04.1996);
Qazaqstan Respýblıkasynyń Shveıtsarııa Konfederatsııasyndaǵy Elshiliginiń birinshi hatshysy, Shveıtsarııa Konfederatsııasy Bern q. (04.1996-08.1997);
Kópjaqty yntymaqtastyq departamentiniń Azııalyq qaýipsizdik bólimniń basshysy (08.1997-10.1997);
Qazaqstan Respýblıkasy Premer-Mınıstriniń kómekshisi (10.1997-11.1999);
«Nursultan Nazarbaev bilim qory» qoǵamdyq qorynyń kommertsııalyq jáne jalpy suraqtar boıynsha dırektorynyń orynbasary (01.2000-05.2000);
«Nursultan Nazarbaev bilim qory» qoǵamdyq qory dırektorynyń birinshi orynbasary (05.2000-10.2000);
«QazTransOıl» Ulttyq munaı tasymaldaý kompanııasy jabyq aktsıonerlik qoǵamynyń baspasóz qyzmetiniń basshysy (10.2000-01.2001);
«QazTransOıl» Ulttyq munaı tasymaldaý kompanııasy jabyq aktsıonerlik qoǵamynyń prezıdent apparatynyń basshysy (01.2001-06.2001);
«Munaı men gaz tasymaly» Ulttyq kompanııasy jabyq aktsıonerlik qoǵamynyń apparat basshysy (06.2001-03.2002);
«QazMunaıGaz» Ulttyq kompanııasy jabyq aktsıonerlik qoǵamynyń prezıdent apparatynyń basshysy (03.2002-01.2003);
«QazMunaıGaz» Ulttyq kompanııasy jabyq aktsıonerlik qoǵamynyń birinshi vıtse-prezıdent keńesshisi (01.2003-03.2003);
«QazMunaıGaz» Ulttyq kompanııasy jabyq aktsıonerlik qoǵamynyń prezıdent apparatynyń basshysy (01.2003-12.2003);
«Raýan Medıa Grýpp» aktsıonerlik qoǵamynyń bas dırektory (12.2003-05.2004);
«Otan» Respýblıkalyq saıası partııasynyń ortalyq apparat basshysynyń birinshi orynbasary (05.2004-08.2004);
«QazMunaıGaz» Ulttyq kompanııasy jabyq aktsıonerlik qoǵamynyń prezıdent apparatynyń basshysy (08.2004-04.2005);
«Atameken jalpyulttyq kásipkerler men jumys berýshiler odaǵy» zańdy tulǵalar birlestiginiń atqarýshy dırektorynyń birinshi orynbasary (04.2005-05.2006);
«Otan» Respýblıkalyq saıası partııasynyń ortalyq apparat basshysy (05.2006-02.2007);
«Berkýt» qarjy ónerkásip toby jaýapkershiligi shekteýli seriktestiginiń dırektory, Astana q. (02.2007-07.2007);
«KazEnergy» Qazaqstandyq munaıgaz jáne energetıkalyq keshen uıymdary qaýymdastyǵynyń atqarýshy dırektory, Astana q. (11.2007-04.2008);
«Raýan Medıa Grýpp» AQ-nyń bas prodıýseri, Astana q. (04.2008-05.2008);
«Raýan Medıa Grýpp» AQ-nyń bas dırektory, Astana q. (05.2008-02.2009);
«Ertis» áleýmettik-kásipkerlik korporatsııasy» Ulttyq kompanııasy aktsıonerlik qoǵamynyń basqarma tóraǵasy, Semeı q. (02.2009-07.2010);
Shyǵys Qazaqstan oblysy ákimi orynbasarynyń mindetin atqarýshy (07.2010-09.2010);
Shyǵys Qazaqstan oblysy ákiminiń orynbasary (09.2010-10.2012);
Shyǵys Qazaqstan oblysy ákiminiń birinshi orynbasary (10.2012-12.2014);
Qazaqstan Respýblıkasy Aýyl sharýashylyǵy mınıstrliginiń vıtse-mınıstri (12.2014-10.2016);
Qazaqstan Respýblıkasy Aýyl sharýashylyǵy mınıstrliginiń jaýapty hatshysy (10.2016-05.2018);
Qazaqstan Respýblıkasynyń Syrtqy ister mınıstrliginiń jaýapty hatshysy (05.2018-01.2019);
Qazaqstan Respýblıkasy Syrtqy ister mınıstriniń orynbasary (01.2019-01.2020);
Qazaqstan Respýblıkasynyń Reseı Federatsııasyndaǵy Tótenshe jáne Ókiletti Elshisi (01.2020-16.06.2023);
2023 jylǵy 16 maýsymnan bastap Shyǵys Qazaqstan oblysynyń ákimi.
Memlekettik jáne halyqaralyq nagradalary, syılyqtary, qurmet ataqtary: «Qurmet» Ordeni (12.2018)

Osyǵan deıin Tamara Dúısenovanyń Prezıdent kómekshisi qyzmetine taǵaıyndalǵanyn habarladyq.