Ermek Kósherbaev Qytaı Halyq Respýblıkasynyń Qazaqstandaǵy Elshisin qabyldady

ASTANA. KAZINFORM – Qazaqstan Respýblıkasynyń Syrtqy ister mınıstri Ermek Kósherbaev Qytaı Halyq Respýblıkasynyń Qazaqstandaǵy Elshisi Han Chýnlındi qabyldady.

Taraptar qazaq-qytaı yntymaqtastyǵynyń keń aýqymdy máselelerin, onyń ishinde saıası, saýda-ekonomıkalyq jáne mádenı-gýmanıtarlyq salalardaǵy ózara yqpaldasýdyń qazirgi jaǵdaıy men perspektıvalaryn talqylady.

Suhbattastar eki el arasyndaǵy strategııalyq seriktestik damýynyń oń serpinin atap ótti. Qazaqstan men Qytaı memleket basshylarynyń kezdesýleri barysynda qol jetkizilgen ýaǵdalastyqtardy praktıkalyq turǵydan júzege asyrýǵa, atap aıtqanda saýda-ekonomıkalyq, ınvestıtsııalyq jáne tranzıt-kóliktik yntymaqtastyqty odan ári keńeıtý máselelerine erekshe nazar aýdaryldy.

Kezdesý sońynda taraptar óńirlik jáne halyqaralyq kún tártibindegi ózekti máseleler boıynsha pikir almasty jáne kópjaqty qurylymdar, onyń ishinde Birikken Ulttar Uıymy, Shanhaı yntymaqtastyq uıymy, Azııadaǵy ózara is-qımyl jáne senim sharalary jónindegi keńes jáne «Ortalyq Azııa – Qytaı» formaty sheńberinde tyǵyz úılestirý men ózara yqpaldasýdy jalǵastyrýǵa ýaǵdalasty.

Buǵan deıin Qazaqstan men Tájikstannyń syrtqy ister mınıstrleri telefon arqyly sóıleskenin jazǵan edik.