Ermek Qızatov «QazAvtoJol» AQ basqarma tóraǵasy qyzmetine taǵaıyndaldy

ASTANA. QazAqparat - «QazAvtoJol» UK» AQ basqarma tóraǵasy qyzmetine Ermek Qızatov taǵaıyndaldy

Qızatov Ermek Ánýarbekuly 1961 jyly 6 tamyzda Aqmola oblysynda dúnıege kelgen.

Ol Almaty temir jol ınjenerler ınstıtýtyn temir jol qurylysy jáne temir jol sharýashylyǵy mamandyǵy boıynsha támamdady. Tehnıka ǵylymdarynyń doktory.

E. Qızatov eńbek jolyn Tselınnyı temir jolyndaǵy Novoıshım stansasynyń mamany qyzmetinen bastaǵan. Tselınnyı temir joly, «Qazaqstan temir joly» RMK, «QTJ» UK» AQ-da basshylyq qyzmetter atqarǵan.

2008-shi jyldyń sáýir aıynan beri «QTJ» UK» AQ vıtse-prezıdenti qyzmetin atqardy.

«Qurmet» ordeniniń ıegeri, sondaı-aq, Qazaqstan Respýblıkasynyń jáne temir jol salasynyń Qurmet gramotalaryn alǵan, dep habarlaıdy «QazAvtoJol» UK» AQ baspasóz qyzmeti.